بسم الله الرحمن الرحيم

دى دعوة للخير  بقول الله تعالى : (( ومن أحسن قولاً ممن دعا إلى الله وعمل صالحاً وقال إنني من المسلمين )) .
وقوله تعالى : ” ادع إلى سبيل ربك بالحكمة والموعظة الحسنة وجادلهم بالتي هي أحسن” .
وقوله صلى الله عليه وسلم : ” من دل على خير فله مثل أجر فاعله “ .
انطلاقا من هذه الآيات والأحاديث فكرنا في في اطلاق هذه الحملة عبر الإنترنت رغبة في خدمة ديننا ومجتمعنا

منطقة اسمها ابو النوم بابيس بالاسكندرية  وجدنا منطقة كاملة من سكان لا يجدوا حتى سقف للبيت ولا اكل وكلهم المهنة انفار فى الارض يعنى عامل باليومية يوم شغل وايام مافيش شغل خاصة ايام الشتاء والصفة السائدة هناك ان العيال الكتير هتكون ايدى عاملة بعدين بس نظرا للجهل المنتشر فبيكون الحال ان فى عيال كتير بس مافيش شغل لكل العدد دة ولا تعليم ليهم فتكون النتيجة عيال بدون تعليم لا يستطيعوا العمل غير فى الارض صعب انك تجد دكتور ولا محامى ومهندس هناك اكتر واحد متعلم بيكون دبلوم

نداء لكل المواقع الإسلامية ولكل ذي عقل يحب الخير رغبة في الخير وخدمة لمجتمعنا

المنطقة محتاجة نهضة شاملة وصعب علينا اننا نكون وحدنا فى خدمتها لانها منطقة كبيرة جدا وكذا قرية بمعنى كل مجموعة خيرية تخدم باللى تقدر علية وتقوم بدارسة الحالات بنفسها وتوزع بنفسها لان المنطقة مش مجرد مجموعة من المحتاجين وخلاص دول محتاجين تعليم ومحو الامية مافيش اى مكان لية هناك حتى المكان الوحيد اللى بيكون فية تدريس للدين والمواد الشرعية كان تبرع والمبانى من التبرعات بس مش كمل والازهر رفض الاستلام غير لما يخلص بس الدراسة مستمرة بية وفية مدرسين بس محتاج يكمل الرابط التالى فى الصور للمعهد

http://ph.groups.yahoo.com/group/talaa3alnoor/photos/browse/931a

نظرا لان المعهد الوحيد القريب للمنطقة وهيجذب عدد كبير من الولاد للتعليم حيث ان فى السابق لا تعليم نهائيا لعدد كبير من البنات  خوفا من الطريق عليهم وكمان توفيرا لفلوس المواصلات اللى مش موجودة اساسا

المعهد  محتاج  التالى

1-       اكمال اعمال البناء للدور الثالث  من سقف وحوائط  وتشطيبات الدور التانى وزجاج الابواب الخاصة بالفصول وكراسى الخاصة بالتلاميذ

2-       المبنى الخاص بالاعدادى المتبرع تبرع بالارض بس محتاجين نبنى فيها بس مافيش اى امكانيات خالص حتى باب المعهد مش موجود والحمامات واحد فقط وغير مجهز للاستخدام

3-       ولان فى  المعهد من اساس المواد القران محتاج مصاحف للطلبة الدراسين مصحف عادى او شرايط بس من نوعية تستحمل الاستخدام المتكرر

4-       المراجع الدينية مش موجودة هناك يعنى عاوزين نعمل مكتبة ليهم يقدروا يستخدموها زى فقة السنة- الاحاديث القدسية

وكل ما يفيد لعمل مكتبة اسلامية تسهل عليهم تحصيل العلم الشرعى ولو كاسيت مستعمل اكيد هيفيد للمكتبة

5-  محتاجين مدرسين متطوعين لعمل فصول محو امية فى ولاد كتير مش عارفين القراءة والكتابة اصلا

محدش يقول فين عضو مجلس الشعب يطلب فصول محو الامية لان الناس كلها بتقول مش بيطلع من بيتة ولا بيعمل حاجة

بالنسبة للمنطقة عموما

1-  فيوجد اكتر من 200 اسرة نزلنا فى رمضان الماضى وزعنا 120 شنطة طعام فقط لان التبرعات لم تكمل العدد فنتمنى الاستمرار فى اعطاء الناس لو شنطة فى الشهر هى بتكلفة حوالى 38 جنية ولو حد يعرف يوجهنا لاقرب مكان لبنك الطعام هيكون افضل

1-       المنطقة نظرا لان الاراضى حولها فى مساحات كبيرة فالبرد اصعب من المدن بكتير محتاجين بطاطين حتى لو مستعملة

2-       فى حالات كتيرة ارامل ومعهم اولاد او ارامل وبدون اولاد غير كبار السن محتاجين اعانات شهرية لدواء – طعام – ملابس حتى لو 20 جنية فى الشهر

3-       بنحاول نجمع من الان للحمة العيد اقل بقرة علشان نكفى العدد  هتوصل الى 7000 جنية

4-       محتاجين ملابس واحذية كتير من الناس ماشية حافية من ضعف الامكانيات حتى لو مستعملة والمقاسات مختلفة فى كبير صغير ورجالى وحريمى لو حد يحب من المجموعات الخيرية يعمل معرض للملابس المستعملة  هناك متوفر المكان والناس هتفرح بية

5-       فى طرق كتيرة فى الشتاء يصعب الوصول لها بالسيارة لان الارض طينية ولا يوجد بها اسفلت محتاجين تمهيد الشوراع   لو اى حد عندة ردم من تجديد شقة ولا اى شئ هيفيد ان الشارع يكون افضل او اى حد يحب يساهم فى تحسين الشوراع خاصة فى الشتاء من المتخصصين

6-       اى حد يحب يعمل اى نشاط صناعى ويشغل الولاد كتير بدون عمل سواء النشاط يكون فى نفس المنطقة او يكون قائم فعلا ومحتاج لايدى عاملة الشباب كتير بدون عمل بس يكون فى الاعتبار انهم مش متعلمين بس يكون بمرتبات تكفيهم للمعيشة ويقدروا ياخذوا مواصلات لان المنطقة للوصول للاسكندرية لازم ياخذوا مواصلتين وكل خروج من المنطقة ورجوع مرة تانية مش هتقل المواصلات على 5 جنية فى اليوم

7-       اى حد عندة كراسات او اقلام للطلبة او اى شئ من الادوات ممكن يفيد لانهم حتى لو معاهم مافيش محلات بتبيع الادوات المدرسية

8-       فى بيوت كتيرة مش فيها سقف وكلوة عبارة عن عروق خشب بس مش هنقدر نعمل سقف لكل الناس بس يكون اضعف الايمان يكون فى سراير بدل نوم الارض كمان يعنى اى حد عندة سراير مستعملة ممكن تفيد وكمان لو فى حمامات مستعملة لان فى بيوت كتير مافيش حمامات صحيح المنطقة مش فيها مياة لحد الان حتى الكهرباء مش كل البيوت بها بس بيعملوا الصرف تحت الارض وممكن يستخدم الى ان تاتى المياة

فيا همم المؤمنين أسرعي…..و يا عزائم الرجال إنهضي..

samah salama

0101372149

dudu9080@…